O Seminario Internacional Resclima I créase como un espacio para indagar e reflexionar sobre as complexas relaciones entre o campo da ciencia e o campo da cultura común en materia de cambio climático. O evento terá lugar os días 11 e 12 de decembre de 2014 en Santiago de Compostela.
[[{“type”:”media”,”view_mode”:”media_large”,”fid”:”154″,”attributes”:{“alt”:””,”class”:”media-image”,”height”:”122″,”style”:”width: 480px; height: 122px; float: left;”,”typeof”:”foaf:Image”,”width”:”480″}}]]
No último lustro vense constatando un feito desconcertante. As ciencias do clima son cada vez máis contundentes no diagnóstico das alteracións climáticas que se están a producir e na identificación das ameazas que proxectan para o conxunto da humanidade. Así a acaba de poñer en evidencia o Quinto Informe do Panel Intergobernamental sobre Cambio Climático. Sen embargo, o cambio climático ven perdendo relevancia nas axendas públicas, pasando a un segundo plano nas axendas política e mediática, e esvaecéndose na axenda social. A pesar de que as alarmas están acesas, parece que as nosas sociedades teñan decidido ignorar a ameaza ou, cando menos, minimizala.
Este gap pon en evidencia as complexas relacións entre o campo da ciencia e o campo da cultura común. Nesta conxuntura adquiren especial relevancia os aportes das ciencias sociais, que poden axudar a comprender as claves dos procesos culturais que están ocorrendo na interface entre as representacións científicas e as representacións sociais do cambio climático. Esta aproximación é necesaria para artellar as respostas colectivas que permitan mitigar a súa intensidade e mellorar a adaptación ás consecuencias que inevitablemente vanse producir.
O Seminario Internacional Resclima I créase como un espazo para indagar e reflexionar sobre a natureza destas interfaces. O coñecemento que se xere será fundamental para mellorar o deseño de programas e acción educativas e comunicativas máis eficaces. As finalidades últimas son converter ao cambio climático nunha cuestión socialmente relevante e motivar á cidadanía para que demande e protagonice políticas de resposta máis ambiciosas.
O seminario celebrarase os días 11 e 12 de decembro de 2014, en Santiago de Compostela. As áreas temáticas suxeridas para organizar os aportes dos e das especialistas que queiran compartir este espazo de intercambio e reflexión científica son as seguintes:
– As representacións sociais e os discursos sobre o cambio climático.
– O tratamento do cambio climático nos medios de comunicación.
– O cambio climático no currículo escolar.
– O cambio climático e os saberes tradicionais.
– O cambio climático e a valoración social do risco.
– Os procesos de comunicación sobre o cambio climático.
– Condicionantes e barreiras nas respostas políticas e sociais ao cambio climático.
Máis información en http://www.resclima.info/node/108.
